الأربعاء، 3 يوليو، 2013

رميات د~رفعت العركى وانا فى الرحيق

دكتور رفعت العركى قال
من طعم ابتســامتِك شارب عصير المنقة
وبى رقـة كــــلامك الـــروح بقــت منشنقة
ما سمعتَ الجمال في يوم كتل بى خنقة
ألفولكم كتيــل ممــــكون وضــــايق الزنقة

~~~~~~~~~~~~~~~~~~~~~~~~~~~~~
انا رديت وقلت .....

العركى قولى يلفوهوو كيف ~~ 
ودييك بارزة رموشا زى السيف~~
البى شوفتها يتم الكيف~~
ات ماعارفنى انا زولاً رهيف..
~~~~~~~~~~~~~~~~~~
رفعت قال


ود أب سن لقيـتك لوريك مقابلو خريف
متلكِّك وغاطس عاوزلو أسطى حريف
لاب تعرف تسوق لا خبـــرة بالتصريف
متشعبط وراكب المعنى قاعـد ضيف
~~~~~~~~~~~~~~~~~~~~~~~
انا قلت


كيف الدبارة يا العركى واللورى مُلكَكْ
والعقدة ف قلبى ابت تفكفك
قلبى وعقلى عندها ممكك
بعيونها بس ملعبانى سك سك
~~~~~~~~~~~~~~~~~~~~


رفعت قال

هَيْ آزول خــلاس ما شالني فيك الشك
موضوعك مبنشر في الكفر العليهو الرك
ياكا الشِّــرِبْ مارويت لو جابو ليـــك بالجك
باقيلك سطر بتفـــطُّو بعدين نجيبلك صك
~~~~~~~~~~~~~~~~~~~~

انا قلت
اربعة قلوب والخامس اسبير
ماادتها حقها بالتعبير
مكملة فل و ند وعبير
وبتفلها انا عربيد وسِكيرe



ليست هناك تعليقات:

إرسال تعليق